कनकधारा स्तोत्र Kanakadhara Stotram

श्लोक 1

अङ्गं हरे पुलकभूषणमाश्रयन्तीaṅgaṃ hare pulakabhūṣaṇamāśrayantīਅਙ੍ਗਂ ਹਰੇ ਪੁਲਕਭੂਸ਼ਣਮਾਸ਼੍ਰਯਨ੍ਤੀ

भृङ्गाङ्गनेव मुकुलाभरणं तमालम् ।bhṛṅgāṅganeva mukulābharaṇaṃ tamālam |ਭ੍ਰਿਙ੍ਗਾਙ੍ਗਨੇਵ ਮੁਕੁਲਾਭਰਣਂ ਤਮਾਲਮ੍ ।

अङ्गीकृताखिलविभूतिरपाङ्गलीलाaṅgīkṛtākhilavibhūtirapāṅgalīlāਅਙ੍ਗੀਕ੍ਰਿਤਾਖਿਲਵਿਭੂਤਿਰਪਾਙ੍ਗਲੀਲਾ

माङ्गल्यदास्तु मम मङ्गलदेवतायाः ॥ १ ॥māṅgalyadāstu mama maṅgaladevatāyāḥ || 1 ||ਮਾਙ੍ਗਲ੍ਯਦਾਸ੍ਤੁ ਮਮ ਮਙ੍ਗਲਦੇਵਤਾਯਾਃ ॥ 1 ॥

श्लोक 2

मुग्धा मुहुर्विदधती वदने मुरारेःmugdhā muhurvidadhatī vadane murāreḥਮੁਗ੍ਧਾ ਮੁਹੁਰ੍ਵਿਦਧਤੀ ਵਦਨੇ ਮੁਰਾਰੇਃ

प्रेमत्रपाप्रणिहितानि गतागतानि ।prematrapāpraṇihitāni gatāgatāni |ਪ੍ਰੇਮਤ੍ਰਪਾਪ੍ਰਣਿਹਿਤਾਨਿ ਗਤਾਗਤਾਨਿ ।

मालादृशोर्मधुकरीव महोत्पले याmālādṛśormadhukarīva mahotpale yāਮਾਲਾਦ੍ਰਿਸ਼ੋਰ੍ਮਧੁਕਰੀਵ ਮਹੋਤ੍ਪਲੇ ਯਾ

सा मे श्रियं दिशतु सागरसम्भवायाः ॥ २ ॥sā me śriyaṃ diśatu sāgarasambhavāyāḥ || 2 ||ਸਾ ਮੇ ਸ਼੍ਰਿਯਂ ਦਿਸ਼ਤੁ ਸਾਗਰਸਮ੍ਭਵਾਯਾਃ ॥ 2 ॥

श्लोक 3

विश्वामरेन्द्रपदविभ्रमदानदक्ष-viśvāmarendrapadavibhramadānadakṣa-ਵਿਸ਼੍ਵਾਮਰੇਨ੍ਦ੍ਰਪਦਵਿਭ੍ਰਮਦਾਨਦਕ੍ਸ਼-

मानन्दहेतुरधिकं मुरविद्विषोऽपि ।mānandaheturadhikaṃ muravidviṣo'pi |ਮਾਨਨ੍ਦਹੇਤੁਰਧਿਕਂ ਮੁਰਵਿਦ੍ਵਿਸ਼ੋਪਿ ।

ईषन्निषीदतु मयि क्षणमीक्षणार्द्ध-īṣanniṣīdatu mayi kṣaṇamīkṣaṇārddha-ਈਸ਼ਨ੍ਨਿਸ਼ੀਦਤੁ ਮਯਿ ਕ੍ਸ਼ਣਮੀਕ੍ਸ਼ਣਾਰ੍ਦ੍ਧ-

मिन्दीवरोदरसहोदरमिन्दिरायाः ॥ ३ ॥mindīvarodarasahodaramindirāyāḥ || 3 ||ਮਿਨ੍ਦੀਵਰੋਦਰਸਹੋਦਰਮਿਨ੍ਦਿਰਾਯਾਃ ॥ 3 ॥

श्लोक 4

आमीलिताक्षमधिगम्य मुदा मुकुन्द-āmīlitākṣamadhigamya mudā mukunda-ਆਮੀਲਿਤਾਕ੍ਸ਼ਮਧਿਗਮ੍ਯ ਮੁਦਾ ਮੁਕੁਨ੍ਦ-

मानन्दकन्दमनिमेषमनङ्गतन्त्रम् ।mānandakandamanimeṣamanaṅgatantram |ਮਾਨਨ੍ਦਕਨ੍ਦਮਨਿਮੇਸ਼ਮਨਙ੍ਗਤਨ੍ਤ੍ਰਮ੍ ।

आकेकरस्थितकनीनिकपक्ष्मनेत्रंākekarasthitakanīnikapakṣmanetraṃਆਕੇਕਰਸ੍ਥਿਤਕਨੀਨਿਕਪਕ੍ਸ਼੍ਮਨੇਤ੍ਰਂ

भूत्यै भवेन्मम भुजङ्गशयाङ्गनायाः ॥ ४ ॥bhūtyai bhavenmama bhujaṅgaśayāṅganāyāḥ || 4 ||ਭੂਤ੍ਯੈ ਭਵੇਨ੍ਮਮ ਭੁਜਙ੍ਗਸ਼ਯਾਙ੍ਗਨਾਯਾਃ ॥ 4 ॥

श्लोक 5

बाह्वन्तरे मधुजितः श्रितकौस्तुभेयाbāhvantare madhujitaḥ śritakaustubheyāਬਾਹ੍ਵਨ੍ਤਰੇ ਮਧੁਜਿਤਃ ਸ਼੍ਰਿਤਕੌਸ੍ਤੁਭੇਯਾ

हारावलीव हरिनीलमयी विभाति ।hārāvalīva harinīlamayī vibhāti |ਹਾਰਾਵਲੀਵ ਹਰਿਨੀਲਮਯੀ ਵਿਭਾਤਿ ।

कामप्रदा भगवतोऽपि कटाक्षमालाkāmapradā bhagavato'pi kaṭākṣamālāਕਾਮਪ੍ਰਦਾ ਭਗਵਤੋਪਿ ਕਟਾਕ੍ਸ਼ਮਾਲਾ

कल्याणमावहतु मे कमलालयायाः ॥ ५ ॥kalyāṇamāvahatu me kamalālayāyāḥ || 5 ||ਕਲ੍ਯਾਣਮਾਵਹਤੁ ਮੇ ਕਮਲਾਲਯਾਯਾਃ ॥ 5 ॥

श्लोक 6

कालाम्बुदालिललितोरसि कैटभारे-kālāmbudālilalitorasi kaiṭabhāre-ਕਾਲਾਮ੍ਬੁਦਾਲਿਲਲਿਤੋਰਸਿ ਕੈਟਭਾਰੇ-

र्धाराधरे स्फुरति यत्तटिदङ्गनेव ।rdhārādhare sphurati yattaṭidaṅganeva |ਰ੍ਧਾਰਾਧਰੇ ਸ੍ਫੁਰਤਿ ਯਤ੍ਤਟਿਦਙ੍ਗਨੇਵ ।

मातुः समस्तजगता महनीयमूर्ति-mātuḥ samastajagatā mahanīyamūrti-ਮਾਤੁਃ ਸਮਸ੍ਤਜਗਤਾ ਮਹਨੀਯਮੂਰ੍ਤਿ-

र्भद्राणि मे दिशतु भार्गवनन्दनायाः ॥ ६ ॥rbhadrāṇi me diśatu bhārgavanandanāyāḥ || 6 ||ਰ੍ਭਦ੍ਰਾਣਿ ਮੇ ਦਿਸ਼ਤੁ ਭਾਰ੍ਗਵਨਨ੍ਦਨਾਯਾਃ ॥ 6 ॥

श्लोक 7

प्राप्तं पदं प्रथमतः खलु यत्प्रभावा-prāptaṃ padaṃ prathamataḥ khalu yatprabhāvā-ਪ੍ਰਾਪ੍ਤਂ ਪਦਂ ਪ੍ਰਥਮਤਃ ਖਲੁ ਯਤ੍ਪ੍ਰਭਾਵਾ-

न्माङ्गल्यभाजि मधुमाथिनि मन्मथेन ।nmāṅgalyabhāji madhumāthini manmathena |ਨ੍ਮਾਙ੍ਗਲ੍ਯਭਾਜਿ ਮਧੁਮਾਥਿਨਿ ਮਨ੍ਮਥੇਨ ।

मय्यापतेत्तदिह मन्थरमीक्षणार्धंmayyāpatettadiha mantharamīkṣaṇārdhaṃਮਯ੍ਯਾਪਤੇਤ੍ਤਦਿਹ ਮਨ੍ਥਰਮੀਕ੍ਸ਼ਣਾਰ੍ਧਂ

मन्दालसं मकरालयकन्यकायाः ॥ ७ ॥mandālasaṃ makarālayakanyakāyāḥ || 7 ||ਮਨ੍ਦਾਲਸਂ ਮਕਰਾਲਯਕਨ੍ਯਕਾਯਾਃ ॥ 7 ॥

श्लोक 8

दद्याद्दयानुपवनो द्रविणाम्बुधारा-dadyāddayānupavano draviṇāmbudhārā-ਦਦ੍ਯਾਦ੍ਦਯਾਨੁਪਵਨੋ ਦ੍ਰਵਿਣਾਮ੍ਬੁਧਾਰਾ-

मस्मिन्न किञ्चन विहंगशिशौ विषण्णे ।masminna kiñcana vihaṃgaśiśau viṣaṇṇe |ਮਸ੍ਮਿਨ੍ਨ ਕਿਞ੍ਚਨ ਵਿਹਂਗਸ਼ਿਸ਼ੌ ਵਿਸ਼ਣ੍ਣੇ ।

दुष्कर्मधर्ममपनीय चिराय दूरंduṣkarmadharmamapanīya cirāya dūraṃਦੁਸ਼੍ਕਰ੍ਮਧਰ੍ਮਮਪਨੀਯ ਚਿਰਾਯ ਦੂਰਂ

नारायणप्रणयिनीनयनाम्बुवाहः ॥ ८ ॥nārāyaṇapraṇayinīnayanāmbuvāhaḥ || 8 ||ਨਾਰਾਯਣਪ੍ਰਣਯਿਨੀਨਯਨਾਮ੍ਬੁਵਾਹਃ ॥ 8 ॥

श्लोक 9

इष्टाविशिष्टमतयोऽपि यया दयार्द्र-iṣṭāviśiṣṭamatayo'pi yayā dayārdra-ਇਸ਼੍ਟਾਵਿਸ਼ਿਸ਼੍ਟਮਤਯੋਪਿ ਯਯਾ ਦਯਾਰ੍ਦ੍ਰ-

दृष्ट्या त्रिविष्टपपदं सुलभं लभन्ते ।dṛṣṭyā triviṣṭapapadaṃ sulabhaṃ labhante |ਦ੍ਰਿਸ਼੍ਟ੍ਯਾ ਤ੍ਰਿਵਿਸ਼੍ਟਪਪਦਂ ਸੁਲਭਂ ਲਭਨ੍ਤੇ ।

दृष्टिः प्रहृष्टकमलोदरदीप्तिरिष्टांdṛṣṭiḥ prahṛṣṭakamalodaradīptiriṣṭāṃਦ੍ਰਿਸ਼੍ਟਿਃ ਪ੍ਰਹ੍ਰਿਸ਼੍ਟਕਮਲੋਦਰਦੀਪ੍ਤਿਰਿਸ਼੍ਟਾਂ

पुष्टिं कृषीष्ट मम पुष्करविष्टरायाः ॥ ९ ॥puṣṭiṃ kṛṣīṣṭa mama puṣkaraviṣṭarāyāḥ || 9 ||ਪੁਸ਼੍ਟਿਂ ਕ੍ਰਿਸ਼ੀਸ਼੍ਟ ਮਮ ਪੁਸ਼੍ਕਰਵਿਸ਼੍ਟਰਾਯਾਃ ॥ 9 ॥

श्लोक 10

गीर्देवतेति गरुडध्वजसुन्दरीतिgīrdevateti garuḍadhvajasundarītiਗੀਰ੍ਦੇਵਤੇਤਿ ਗਰੁਡਧ੍ਵਜਸੁਨ੍ਦਰੀਤਿ

शाकम्भरीति शशिशेखरवल्लभेति ।śākambharīti śaśiśekharavallabheti |ਸ਼ਾਕਮ੍ਭਰੀਤਿ ਸ਼ਸ਼ਿਸ਼ੇਖਰਵਲ੍ਲਭੇਤਿ ।

सृष्टिस्थितिप्रलयकेलिषु संस्थितायैsṛṣṭisthitipralayakeliṣu saṃsthitāyaiਸ੍ਰਿਸ਼੍ਟਿਸ੍ਥਿਤਿਪ੍ਰਲਯਕੇਲਿਸ਼ੁ ਸਂਸ੍ਥਿਤਾਯੈ

तस्यै नमस्त्रिभुवनैकगुरोस्तरुण्यै ॥ १० ॥tasyai namastribhuvanaikagurostaruṇyai || 10 ||ਤਸ੍ਯੈ ਨਮਸ੍ਤ੍ਰਿਭੁਵਨੈਕਗੁਰੋਸ੍ਤਰੁਣ੍ਯੈ ॥ 10 ॥

श्लोक 11

श्रुत्यै नमोऽस्तु शुभकर्मफलप्रसूत्यैśrutyai namo'stu śubhakarmaphalaprasūtyaiਸ਼੍ਰੁਤ੍ਯੈ ਨਮੋਸ੍ਤੁ ਸ਼ੁਭਕਰ੍ਮਫਲਪ੍ਰਸੂਤ੍ਯੈ

रत्यै नमोऽस्तु रमणीयगुणार्णवायै ।ratyai namo'stu ramaṇīyaguṇārṇavāyai |ਰਤ੍ਯੈ ਨਮੋਸ੍ਤੁ ਰਮਣੀਯਗੁਣਾਰ੍ਣਵਾਯੈ ।

शक्त्यै नमोऽस्तु शतपत्रनिकेतनायैśaktyai namo'stu śatapatraniketanāyaiਸ਼ਕ੍ਤ੍ਯੈ ਨਮੋਸ੍ਤੁ ਸ਼ਤਪਤ੍ਰਨਿਕੇਤਨਾਯੈ

पुष्ट्यै नमोऽस्तु पुरुषोत्तमवल्लभायै ॥ ११ ॥puṣṭyai namo'stu puruṣottamavallabhāyai || 11 ||ਪੁਸ਼੍ਟ੍ਯੈ ਨਮੋਸ੍ਤੁ ਪੁਰੁਸ਼ੋਤ੍ਤਮਵਲ੍ਲਭਾਯੈ ॥ 11 ॥

श्लोक 12

नमोऽस्तु नालीकनिभाननायैnamo'stu nālīkanibhānanāyaiਨਮੋਸ੍ਤੁ ਨਾਲੀਕਨਿਭਾਨਨਾਯੈ

नमोऽस्तु दुग्धोदधिजन्मभूम्यै ।namo'stu dugdhodadhijanmabhūmyai |ਨਮੋਸ੍ਤੁ ਦੁਗ੍ਧੋਦਧਿਜਨ੍ਮਭੂਮ੍ਯੈ ।

नमोऽस्तु सोमामृतसोदरायैnamo'stu somāmṛtasodarāyaiਨਮੋਸ੍ਤੁ ਸੋਮਾਮ੍ਰਿਤਸੋਦਰਾਯੈ

नमोऽस्तु नारायणवल्लभायै ॥ १२ ॥namo'stu nārāyaṇavallabhāyai || 12 ||ਨਮੋਸ੍ਤੁ ਨਾਰਾਯਣਵਲ੍ਲਭਾਯੈ ॥ 12 ॥

श्लोक 13

सपत्कराणि सकलेन्द्रियनन्दनानिsapatkarāṇi sakalendriyanandanāniਸਪਤ੍ਕਰਾਣਿ ਸਕਲੇਨ੍ਦ੍ਰਿਯਨਨ੍ਦਨਾਨਿ

साम्राज्यदानविभवानि सरोरुहाक्षि ।sāmrājyadānavibhavāni saroruhākṣi |ਸਾਮ੍ਰਾਜ੍ਯਦਾਨਵਿਭਵਾਨਿ ਸਰੋਰੁਹਾਕ੍ਸ਼ਿ ।

त्वद्वन्दनानि दुरिताहरणोद्यतानिtvadvandanāni duritāharaṇodyatāniਤ੍ਵਦ੍ਵਨ੍ਦਨਾਨਿ ਦੁਰਿਤਾਹਰਣੋਦ੍ਯਤਾਨਿ

मामेव मातरनिशं कलयन्तु मान्ये ॥ १३ ॥māmeva mātaraniśaṃ kalayantu mānye || 13 ||ਮਾਮੇਵ ਮਾਤਰਨਿਸ਼ਂ ਕਲਯਨ੍ਤੁ ਮਾਨ੍ਯੇ ॥ 13 ॥

श्लोक 14

यत्कटाक्षसमुपासनाविधिःyatkaṭākṣasamupāsanāvidhiḥਯਤ੍ਕਟਾਕ੍ਸ਼ਸਮੁਪਾਸਨਾਵਿਧਿਃ

सेवकस्य सकलार्थसम्पदः ।sevakasya sakalārthasampadaḥ |ਸੇਵਕਸ੍ਯ ਸਕਲਾਰ੍ਥਸਮ੍ਪਦਃ ।

संतनोति वचनाङ्गमानसै-saṃtanoti vacanāṅgamānasai-ਸਂਤਨੋਤਿ ਵਚਨਾਙ੍ਗਮਾਨਸੈ-

स्त्वां मुरारिहृदयेश्वरीं भजे ॥ १४ ॥stvāṃ murārihṛdayeśvarīṃ bhaje || 14 ||ਸ੍ਤ੍ਵਾਂ ਮੁਰਾਰਿਹ੍ਰਿਦਯੇਸ਼੍ਵਰੀਂ ਭਜੇ ॥ 14 ॥

श्लोक 15

सरसिजनिलये सरोजहस्तेsarasijanilaye sarojahasteਸਰਸਿਜਨਿਲਯੇ ਸਰੋਜਹਸ੍ਤੇ

धवलतमांशुकगन्धमाल्यशोभे ।dhavalatamāṃśukagandhamālyaśobhe |ਧਵਲਤਮਾਂਸ਼ੁਕਗਨ੍ਧਮਾਲ੍ਯਸ਼ੋਭੇ ।

भगवति हरिवल्लभे मनोज्ञेbhagavati harivallabhe manojñeਭਗਵਤਿ ਹਰਿਵਲ੍ਲਭੇ ਮਨੋਜ੍ਞੇ

त्रिभुवनभूतिकरि प्रसीद मह्यम् ॥ १५ ॥tribhuvanabhūtikari prasīda mahyam || 15 ||ਤ੍ਰਿਭੁਵਨਭੂਤਿਕਰਿ ਪ੍ਰਸੀਦ ਮਹ੍ਯਮ੍ ॥ 15 ॥

श्लोक 16

दिग्हस्तिभिः कनककुम्भमुखावसृष्टdighastibhiḥ kanakakumbhamukhāvasṛṣṭaਦਿਗ੍ਹਸ੍ਤਿਭਿਃ ਕਨਕਕੁਮ੍ਭਮੁਖਾਵਸ੍ਰਿਸ਼੍ਟ

स्वर्वाहिनीविमलचारुजलाप्लुताङ्गीम् ।svarvāhinīvimalacārujalāplutāṅgīm |ਸ੍ਵਰ੍ਵਾਹਿਨੀਵਿਮਲਚਾਰੁਜਲਾਪ੍ਲੁਤਾਙ੍ਗੀਮ੍ ।

प्रातर्नमामि जगता जननीमशेषprātarnamāmi jagatā jananīmaśeṣaਪ੍ਰਾਤਰ੍ਨਮਾਮਿ ਜਗਤਾ ਜਨਨੀਮਸ਼ੇਸ਼

लोकाधिनाथगृहिणीममृताब्धिपुत्रीम् ॥ १६ ॥lokādhināthagṛhiṇīmamṛtābdhiputrīm || 16 ||ਲੋਕਾਧਿਨਾਥਗ੍ਰਿਹਿਣੀਮਮ੍ਰਿਤਾਬ੍ਧਿਪੁਤ੍ਰੀਮ੍ ॥ 16 ॥

श्लोक 17

कमले कमलाक्षवल्लभे त्वंkamale kamalākṣavallabhe tvaṃਕਮਲੇ ਕਮਲਾਕ੍ਸ਼ਵਲ੍ਲਭੇ ਤ੍ਵਂ

करुणापूरतरङ्गितैरपाङ्गैः ।karuṇāpūrataraṅgitairapāṅgaiḥ |ਕਰੁਣਾਪੂਰਤਰਙ੍ਗਿਤੈਰਪਾਙ੍ਗੈਃ ।

अवलोकय मामकिञ्चनानांavalokaya māmakiñcanānāṃਅਵਲੋਕਯ ਮਾਮਕਿਞ੍ਚਨਾਨਾਂ

प्रथमं पात्रमकृत्रिमं दयायाः ॥ १७ ॥prathamaṃ pātramakṛtrimaṃ dayāyāḥ || 17 ||ਪ੍ਰਥਮਂ ਪਾਤ੍ਰਮਕ੍ਰਿਤ੍ਰਿਮਂ ਦਯਾਯਾਃ ॥ 17 ॥

श्लोक 18

स्तुवन्ति ये स्तुतिभिरमीभिरन्वहंstuvanti ye stutibhiramībhiranvahaṃਸ੍ਤੁਵਨ੍ਤਿ ਯੇ ਸ੍ਤੁਤਿਭਿਰਮੀਭਿਰਨ੍ਵਹਂ

त्रयीमयीं त्रिभुवनमातरं रमाम् ।trayīmayīṃ tribhuvanamātaraṃ ramām |ਤ੍ਰਯੀਮਯੀਂ ਤ੍ਰਿਭੁਵਨਮਾਤਰਂ ਰਮਾਮ੍ ।

गुणाधिका गुरुतरभाग्यभाजिनोguṇādhikā gurutarabhāgyabhājinoਗੁਣਾਧਿਕਾ ਗੁਰੁਤਰਭਾਗ੍ਯਭਾਜਿਨੋ

भवन्ति ते भुवि बुधभाविताशयाः ॥ १८ ॥bhavanti te bhuvi budhabhāvitāśayāḥ || 18 ||ਭਵਨ੍ਤਿ ਤੇ ਭੁਵਿ ਬੁਧਭਾਵਿਤਾਸ਼ਯਾਃ ॥ 18 ॥

19

इति श्रीमत्परमहंसपरिव्राजकाचार्यस्य श्रीगोविंदभगवत्पूज्यपादशिष्यस्य श्रीमच्छङ्करभगवतः कृतौ कनकधारास्तोत्रं सम्पूर्णम् ॥iti śrīmatparamahaṃsaparivrājakācāryasya śrīgoviṃdabhagavatpūjyapādaśiṣyasya śrīmacchaṅkarabhagavataḥ kṛtau kanakadhārāstotraṃ sampūrṇam ||ਇਤਿ ਸ਼੍ਰੀਮਤ੍ਪਰਮਹਂਸਪਰਿਵ੍ਰਾਜਕਾਚਾਰ੍ਯਸ੍ਯ ਸ਼੍ਰੀਗੋਵਿਂਦਭਗਵਤ੍ਪੂਜ੍ਯਪਾਦਸ਼ਿਸ਼੍ਯਸ੍ਯ ਸ਼੍ਰੀਮਚ੍ਛਙ੍ਕਰਭਗਵਤਃ ਕ੍ਰਿਤੌ ਕਨਕਧਾਰਾਸ੍ਤੋਤ੍ਰਂ ਸਮ੍ਪੂਰ੍ਣਮ੍ ॥