बजरंग बाण Bajrang Baan

दोहा 1

निश्चय प्रेम प्रतीति ते, बिनय करै सनमान ।niścay prem pratīti te, binay karai sanamān |

तेहि के कारज सकल सुभ, सिद्ध करैं हनुमान ॥tehi ke kāraj sakal subh, siddha karaiṃ hanumān ||

चौपाई 1

जय हनुमंत संत-हितकारी ।jay hanumaṃt saṃt-hitakārī |

सुनि लीजै प्रभु बिनय हमारी ॥suni lījai prabhu binay hamārī ||

चौपाई 2

जन के काज बिलंब न कीजै ।jan ke kāj bilaṃb na kījai |

आतुर दौरि महासुख दीजै ॥ātur dauri mahāsukh dījai ||

चौपाई 3

जैसे कूदि सिंधु के पारा ।jaise kūdi siṃdhu ke pārā |

सुरसा बदन पैठि बिस्तारा ॥surasā badan paiṭhi bistārā ||

चौपाई 4

आगे जाय लंकिनी रोका ।āge jāy laṃkinī rokā |

मारेहु लात गई सुरलोका ॥mārehu lāt gaī suralokā ||

चौपाई 5

जय बिभीषन को सुख दीन्हा ।jay bibhīṣan ko sukh dīnhā |

सीता निरखि परम-पद लीन्हा ॥sītā nirakhi param-pad līnhā ||

चौपाई 6

बाग उजारि सिंधु महँ बोरा ।bāg ujāri siṃdhu maham̐ borā |

अति आतुर जमकातर तोरा ॥ati ātur jamakātar torā ||

चौपाई 7

अछय कुमार मारि संहारा ।achay kumār māri saṃhārā |

लूम लपेटि लंक को जारा ॥lūm lapeṭi laṃk ko jārā ||

चौपाई 8

लाह समान लंक जरि गई ।lāh samān laṃk jari gaī |

जय जय धुनि सुरपुर नभ भई ॥jay jay dhuni surapur nabh bhaī ||

चौपाई 9

अब बिलम्ब केहि कारन स्वामी ।ab bilamba kehi kāran svāmī |

कृपा करहु उर अंतरजामी ॥kṛpā karahu ur aṃtarajāmī ||

चौपाई 10

जय जय लखन प्रान के दाता ।jay jay lakhan prān ke dātā |

आतुर ह्वैदुख करहु निपाता ॥ātur hvaidukh karahu nipātā ||

चौपाई 11

जय हनुमान जयति बल-सागर ।jay hanumān jayati bal-sāgar |

सुर-समूह-समरथ भट-नागर ॥sur-samūh-samarath bhaṭ-nāgar ||

चौपाई 12

ॐ हनुहनु हनु हनुमंत हठीलै ।oṃ hanuhanu hanu hanumaṃt haṭhīlai |

बैरिहि मारु बज्र की कीलै ॥bairihi māru bajra kī kīlai ||

चौपाई 13

ॐ हीं हीं हीं हनुमंत कपीसा ।oṃ hīṃ hīṃ hīṃ hanumaṃt kapīsā |

ॐ हुं हुं हुं हनु अरि उर-सीसा ॥oṃ huṃ huṃ huṃ hanu ari ur-sīsā ||

चौपाई 14

जय अंजनिकुमार बलवंता ।jay aṃjanikumār balavaṃtā |

संकरसुवन बीर हनुमंता ॥saṃkarasuvan bīr hanumaṃtā ||

चौपाई 15

बदन कराल काल-कुल-घालक ।badan karāl kāl-kul-ghālak |

राम-सहाय सदा प्रतिपालक ॥rām-sahāy sadā pratipālak ||

चौपाई 16

भूत, प्रेत, पिसाच, निसाचर ।bhūt, pret, pisāc, nisācar |

अगनि बेताल काल मारी मर ॥agani betāl kāl mārī mar ||

चौपाई 17

इन्हें मारु, तोहि सपथ राम की ।inheṃ māru, tohi sapath rām kī |

राखु नाथ मरजाद नाम की ॥rākhu nāth marajād nām kī ||

चौपाई 18

सत्य होहु हरि सपथ पाइ कै ।satya hohu hari sapath pāi kai |

रामदूत धरु मारु धाइ कै ॥rāmadūt dharu māru dhāi kai ||

चौपाई 19

जय जय जय हनुमंत अगाधा ।jay jay jay hanumaṃt agādhā |

दुख पावत जन केहि अपराधा ॥dukh pāvat jan kehi aparādhā ||

चौपाई 20

पूजा जप तप नेम अचारा ।pūjā jap tap nem acārā |

नहि जानत कछु दास तुम्हारा ॥nahi jānat kachu dās tumhārā ||

चौपाई 21

बन उपबन मग गिरि गृह माहीं ।ban upaban mag giri gṛh māhīṃ |

तुम्हरे बल हौं डरपत नाहीं ॥tumhare bal hauṃ ḍarapat nāhīṃ ||

चौपाई 22

जनकसुता-हरि-दास कहावौ ।janakasutā-hari-dās kahāvau |

ता की सपथ, बिलंब न लावौ ॥tā kī sapath, bilaṃb na lāvau ||

चौपाई 23

जय-जय-जय-धुनि होत अकासा ।jay-jay-jay-dhuni hot akāsā |

सुमिरत होय दुसह दुख नासा ॥sumirat hoy dusah dukh nāsā ||

चौपाई 24

चरन पकरि, कर जोरि मनावौं ।caran pakari, kar jori manāvauṃ |

यहि औसर अब केहि गोहरावौं ॥yahi ausar ab kehi goharāvauṃ ||

चौपाई 25

उठ, उठ, चलु, तोहि राम दोहाई ।uṭh, uṭh, calu, tohi rām dohāī |

पायँ परौं, कर जोरि मनाई ॥pāyam̐ parauṃ, kar jori manāī ||

चौपाई 26

ॐ चम चम चम चम चपल चलंता ।oṃ cam cam cam cam capal calaṃtā |

ॐ हनु हनु हनु हनु हनु-हनुमंता ॥oṃ hanu hanu hanu hanu hanu-hanumaṃtā ||

चौपाई 27

ॐ हं हं हाँक देत कपि चंचल ।oṃ haṃ haṃ hām̐k det kapi caṃcal |

ॐ सं सं सहमि पराने खल-दल ॥oṃ saṃ saṃ sahami parāne khal-dal ||

चौपाई 28

अपने जन को तुरत उबारौ ।apane jan ko turat ubārau |

सुमिरत होय अनंद हमारौ ॥sumirat hoy anaṃd hamārau ||

चौपाई 29

यह बजरंग-बाण जेहि मारै ।yah bajaraṃg-bāṇ jehi mārai |

ताहि कहौ फिरि कवन उबारै ॥tāhi kahau phiri kavan ubārai ||

चौपाई 30

पाठ करै बजरंग-बाण की ।pāṭh karai bajaraṃg-bāṇ kī |

हनुमत रच्छा करें प्रान की ॥hanumat racchā kareṃ prān kī ||

चौपाई 31

यह बजरंग-बाण जो जापैं ।yah bajaraṃg-bāṇ jo jāpaiṃ |

तासों भूत-प्रेत सब काँपै ॥tāsoṃ bhūt-pret sab kām̐pai ||

चौपाई 32

धूप देय जो जपै हमेसा ।dhūp dey jo japai hamesā |

ता के तन नहिं रहै कलेसा ॥tā ke tan nahiṃ rahai kalesā ||

दोहा 2

उर प्रतीति दृढ़, सरन् है, पाठ करै धरि ध्यान ।ur pratīti dṛṛh, saran hai, pāṭh karai dhari dhyān |

बाधा सब हर, करै सब काम सफल हनुमान ॥bādhā sab har, karai sab kām saphal hanumān ||