निर्वाण षट्कम् Nirvana Shatakam

श्लोक 1

मनोबुद्ध्यहङ्कारचित्तानि नाहंmanobuddhyahaṅkāracittāni nāhaṃ

न च श्रोत्रजिह्वे न च घ्राणनेत्रे ।na ca śrotrajihve na ca ghrāṇanetre |

न च व्योम भूमिर्न तेजो न वायु-na ca vyoma bhūmirna tejo na vāyu-

श्चिदानन्दरूपः शिवोऽहं शिवोऽहम् ॥ १ ॥ścidānandarūpaḥ śivo'haṃ śivo'ham || 1 ||

श्लोक 2

न च प्राणसंज्ञो न वै पञ्चवायु-na ca prāṇasaṃjño na vai pañcavāyu-

र्न वा सप्तधातुर्न वा पञ्चकोशः।rna vā saptadhāturna vā pañcakośaḥ|

न वाक्पाणिपादं न चोपस्थपायूna vākpāṇipādaṃ na copasthapāyū

चिदानन्दरूपः शिवोऽहं शिवोऽहम् ॥ २ ॥cidānandarūpaḥ śivo'haṃ śivo'ham || 2 ||

श्लोक 3

न मे द्वेषरागौ न मे लोभमोहौna me dveṣarāgau na me lobhamohau

मदो नैव मे नैव मात्सर्यभावः ।mado naiva me naiva mātsaryabhāvaḥ |

न धर्मो न चार्थो न कामो न मोक्ष-na dharmo na cārtho na kāmo na mokṣa-

श्चिदानन्दरूपः शिवोऽहं शिवोऽहम् ॥ ३ ॥ścidānandarūpaḥ śivo'haṃ śivo'ham || 3 ||

श्लोक 4

न पुण्यं न पापं न सौख्यं न दुःखंna puṇyaṃ na pāpaṃ na saukhyaṃ na duḥkhaṃ

न मंत्रो न तीर्थं न वेदा न यज्ञाः ।na maṃtro na tīrthaṃ na vedā na yajñāḥ |

अहं भोजनं नैव भोज्यं न भोक्ताahaṃ bhojanaṃ naiva bhojyaṃ na bhoktā

चिदानन्दरूपः शिवोऽहं शिवोऽहम् ॥ ४ ॥cidānandarūpaḥ śivo'haṃ śivo'ham || 4 ||

श्लोक 5

न मृत्युर्न शङ्का न मे जातिभेदःna mṛtyurna śaṅkā na me jātibhedaḥ

पिता नैव मे नैव माता च जन्म ।pitā naiva me naiva mātā ca janma |

न बन्धुर्न मित्रं गुरुर्नैव शिष्य-na bandhurna mitraṃ gururnaiva śiṣya-

श्चिदानन्दरूपः शिवोऽहं शिवोऽहम् ॥ ५ ॥ścidānandarūpaḥ śivo'haṃ śivo'ham || 5 ||

श्लोक 6

अहं निर्विकल्पो निराकाररूपोahaṃ nirvikalpo nirākārarūpo

विभुत्वाच्च सर्वत्र सर्वेन्द्रियाणाम् ।vibhutvācca sarvatra sarvendriyāṇām |

न चासङ्गतं नैव मुक्तिर्न मेय-na cāsaṅgataṃ naiva muktirna meya-

श्चिदानन्दरूपः शिवोऽहं शिवोऽहम् ॥ ६ ॥ścidānandarūpaḥ śivo'haṃ śivo'ham || 6 ||

7

॥ इति श्रीमच्छङ्कराचार्यविरचितं निर्वाणषट्कं सम्पूर्णम् ॥|| iti śrīmacchaṅkarācāryaviracitaṃ nirvāṇaṣaṭkaṃ sampūrṇam ||