Kanakadhara Stotram कनकधारा स्तोत्र

Shloka 1

अङ्गं हरे पुलकभूषणमाश्रयन्तीaṅgaṃ hare pulakabhūṣaṇamāśrayantīఅఙ్గం హరే పులకభూషణమాశ్రయన్తీ

भृङ्गाङ्गनेव मुकुलाभरणं तमालम् ।bhṛṅgāṅganeva mukulābharaṇaṃ tamālam |భృఙ్గాఙ్గనేవ ముకులాభరణం తమాలమ్ ।

अङ्गीकृताखिलविभूतिरपाङ्गलीलाaṅgīkṛtākhilavibhūtirapāṅgalīlāఅఙ్గీకృతాఖిలవిభూతిరపాఙ్గలీలా

माङ्गल्यदास्तु मम मङ्गलदेवतायाः ॥ १ ॥māṅgalyadāstu mama maṅgaladevatāyāḥ || 1 ||మాఙ్గల్యదాస్తు మమ మఙ్గలదేవతాయాః ॥ 1 ॥

Shloka 2

मुग्धा मुहुर्विदधती वदने मुरारेःmugdhā muhurvidadhatī vadane murāreḥముగ్ధా ముహుర్విదధతీ వదనే మురారేః

प्रेमत्रपाप्रणिहितानि गतागतानि ।prematrapāpraṇihitāni gatāgatāni |ప్రేమత్రపాప్రణిహితాని గతాగతాని ।

मालादृशोर्मधुकरीव महोत्पले याmālādṛśormadhukarīva mahotpale yāమాలాదృశోర్మధుకరీవ మహోత్పలే యా

सा मे श्रियं दिशतु सागरसम्भवायाः ॥ २ ॥sā me śriyaṃ diśatu sāgarasambhavāyāḥ || 2 ||సా మే శ్రియం దిశతు సాగరసమ్భవాయాః ॥ 2 ॥

Shloka 3

विश्वामरेन्द्रपदविभ्रमदानदक्ष-viśvāmarendrapadavibhramadānadakṣa-విశ్వామరేన్ద్రపదవిభ్రమదానదక్ష-

मानन्दहेतुरधिकं मुरविद्विषोऽपि ।mānandaheturadhikaṃ muravidviṣo'pi |మానన్దహేతురధికం మురవిద్విషోఽపి ।

ईषन्निषीदतु मयि क्षणमीक्षणार्द्ध-īṣanniṣīdatu mayi kṣaṇamīkṣaṇārddha-ఈషన్నిషీదతు మయి క్షణమీక్షణార్ద్ధ-

मिन्दीवरोदरसहोदरमिन्दिरायाः ॥ ३ ॥mindīvarodarasahodaramindirāyāḥ || 3 ||మిన్దీవరోదరసహోదరమిన్దిరాయాః ॥ 3 ॥

Shloka 4

आमीलिताक्षमधिगम्य मुदा मुकुन्द-āmīlitākṣamadhigamya mudā mukunda-ఆమీలితాక్షమధిగమ్య ముదా ముకున్ద-

मानन्दकन्दमनिमेषमनङ्गतन्त्रम् ।mānandakandamanimeṣamanaṅgatantram |మానన్దకన్దమనిమేషమనఙ్గతన్త్రమ్ ।

आकेकरस्थितकनीनिकपक्ष्मनेत्रंākekarasthitakanīnikapakṣmanetraṃఆకేకరస్థితకనీనికపక్ష్మనేత్రం

भूत्यै भवेन्मम भुजङ्गशयाङ्गनायाः ॥ ४ ॥bhūtyai bhavenmama bhujaṅgaśayāṅganāyāḥ || 4 ||భూత్యై భవేన్మమ భుజఙ్గశయాఙ్గనాయాః ॥ 4 ॥

Shloka 5

बाह्वन्तरे मधुजितः श्रितकौस्तुभेयाbāhvantare madhujitaḥ śritakaustubheyāబాహ్వన్తరే మధుజితః శ్రితకౌస్తుభేయా

हारावलीव हरिनीलमयी विभाति ।hārāvalīva harinīlamayī vibhāti |హారావలీవ హరినీలమయీ విభాతి ।

कामप्रदा भगवतोऽपि कटाक्षमालाkāmapradā bhagavato'pi kaṭākṣamālāకామప్రదా భగవతోఽపి కటాక్షమాలా

कल्याणमावहतु मे कमलालयायाः ॥ ५ ॥kalyāṇamāvahatu me kamalālayāyāḥ || 5 ||కల్యాణమావహతు మే కమలాలయాయాః ॥ 5 ॥

Shloka 6

कालाम्बुदालिललितोरसि कैटभारे-kālāmbudālilalitorasi kaiṭabhāre-కాలామ్బుదాలిలలితోరసి కైటభారే-

र्धाराधरे स्फुरति यत्तटिदङ्गनेव ।rdhārādhare sphurati yattaṭidaṅganeva |ర్ధారాధరే స్ఫురతి యత్తటిదఙ్గనేవ ।

मातुः समस्तजगता महनीयमूर्ति-mātuḥ samastajagatā mahanīyamūrti-మాతుః సమస్తజగతా మహనీయమూర్తి-

र्भद्राणि मे दिशतु भार्गवनन्दनायाः ॥ ६ ॥rbhadrāṇi me diśatu bhārgavanandanāyāḥ || 6 ||ర్భద్రాణి మే దిశతు భార్గవనన్దనాయాః ॥ 6 ॥

Shloka 7

प्राप्तं पदं प्रथमतः खलु यत्प्रभावा-prāptaṃ padaṃ prathamataḥ khalu yatprabhāvā-ప్రాప్తం పదం ప్రథమతః ఖలు యత్ప్రభావా-

न्माङ्गल्यभाजि मधुमाथिनि मन्मथेन ।nmāṅgalyabhāji madhumāthini manmathena |న్మాఙ్గల్యభాజి మధుమాథిని మన్మథేన ।

मय्यापतेत्तदिह मन्थरमीक्षणार्धंmayyāpatettadiha mantharamīkṣaṇārdhaṃమయ్యాపతేత్తదిహ మన్థరమీక్షణార్ధం

मन्दालसं मकरालयकन्यकायाः ॥ ७ ॥mandālasaṃ makarālayakanyakāyāḥ || 7 ||మన్దాలసం మకరాలయకన్యకాయాః ॥ 7 ॥

Shloka 8

दद्याद्दयानुपवनो द्रविणाम्बुधारा-dadyāddayānupavano draviṇāmbudhārā-దద్యాద్దయానుపవనో ద్రవిణామ్బుధారా-

मस्मिन्न किञ्चन विहंगशिशौ विषण्णे ।masminna kiñcana vihaṃgaśiśau viṣaṇṇe |మస్మిన్న కిఞ్చన విహంగశిశౌ విషణ్ణే ।

दुष्कर्मधर्ममपनीय चिराय दूरंduṣkarmadharmamapanīya cirāya dūraṃదుష్కర్మధర్మమపనీయ చిరాయ దూరం

नारायणप्रणयिनीनयनाम्बुवाहः ॥ ८ ॥nārāyaṇapraṇayinīnayanāmbuvāhaḥ || 8 ||నారాయణప్రణయినీనయనామ్బువాహః ॥ 8 ॥

Shloka 9

इष्टाविशिष्टमतयोऽपि यया दयार्द्र-iṣṭāviśiṣṭamatayo'pi yayā dayārdra-ఇష్టావిశిష్టమతయోఽపి యయా దయార్ద్ర-

दृष्ट्या त्रिविष्टपपदं सुलभं लभन्ते ।dṛṣṭyā triviṣṭapapadaṃ sulabhaṃ labhante |దృష్ట్యా త్రివిష్టపపదం సులభం లభన్తే ।

दृष्टिः प्रहृष्टकमलोदरदीप्तिरिष्टांdṛṣṭiḥ prahṛṣṭakamalodaradīptiriṣṭāṃదృష్టిః ప్రహృష్టకమలోదరదీప్తిరిష్టాం

पुष्टिं कृषीष्ट मम पुष्करविष्टरायाः ॥ ९ ॥puṣṭiṃ kṛṣīṣṭa mama puṣkaraviṣṭarāyāḥ || 9 ||పుష్టిం కృషీష్ట మమ పుష్కరవిష్టరాయాః ॥ 9 ॥

Shloka 10

गीर्देवतेति गरुडध्वजसुन्दरीतिgīrdevateti garuḍadhvajasundarītiగీర్దేవతేతి గరుడధ్వజసున్దరీతి

शाकम्भरीति शशिशेखरवल्लभेति ।śākambharīti śaśiśekharavallabheti |శాకమ్భరీతి శశిశేఖరవల్లభేతి ।

सृष्टिस्थितिप्रलयकेलिषु संस्थितायैsṛṣṭisthitipralayakeliṣu saṃsthitāyaiసృష్టిస్థితిప్రలయకేలిషు సంస్థితాయై

तस्यै नमस्त्रिभुवनैकगुरोस्तरुण्यै ॥ १० ॥tasyai namastribhuvanaikagurostaruṇyai || 10 ||తస్యై నమస్త్రిభువనైకగురోస్తరుణ్యై ॥ 10 ॥

Shloka 11

श्रुत्यै नमोऽस्तु शुभकर्मफलप्रसूत्यैśrutyai namo'stu śubhakarmaphalaprasūtyaiశ్రుత్యై నమోఽస్తు శుభకర్మఫలప్రసూత్యై

रत्यै नमोऽस्तु रमणीयगुणार्णवायै ।ratyai namo'stu ramaṇīyaguṇārṇavāyai |రత్యై నమోఽస్తు రమణీయగుణార్ణవాయై ।

शक्त्यै नमोऽस्तु शतपत्रनिकेतनायैśaktyai namo'stu śatapatraniketanāyaiశక్త్యై నమోఽస్తు శతపత్రనికేతనాయై

पुष्ट्यै नमोऽस्तु पुरुषोत्तमवल्लभायै ॥ ११ ॥puṣṭyai namo'stu puruṣottamavallabhāyai || 11 ||పుష్ట్యై నమోఽస్తు పురుషోత్తమవల్లభాయై ॥ 11 ॥

Shloka 12

नमोऽस्तु नालीकनिभाननायैnamo'stu nālīkanibhānanāyaiనమోఽస్తు నాలీకనిభాననాయై

नमोऽस्तु दुग्धोदधिजन्मभूम्यै ।namo'stu dugdhodadhijanmabhūmyai |నమోఽస్తు దుగ్ధోదధిజన్మభూమ్యై ।

नमोऽस्तु सोमामृतसोदरायैnamo'stu somāmṛtasodarāyaiనమోఽస్తు సోమామృతసోదరాయై

नमोऽस्तु नारायणवल्लभायै ॥ १२ ॥namo'stu nārāyaṇavallabhāyai || 12 ||నమోఽస్తు నారాయణవల్లభాయై ॥ 12 ॥

Shloka 13

सपत्कराणि सकलेन्द्रियनन्दनानिsapatkarāṇi sakalendriyanandanāniసపత్కరాణి సకలేన్ద్రియనన్దనాని

साम्राज्यदानविभवानि सरोरुहाक्षि ।sāmrājyadānavibhavāni saroruhākṣi |సామ్రాజ్యదానవిభవాని సరోరుహాక్షి ।

त्वद्वन्दनानि दुरिताहरणोद्यतानिtvadvandanāni duritāharaṇodyatāniత్వద్వన్దనాని దురితాహరణోద్యతాని

मामेव मातरनिशं कलयन्तु मान्ये ॥ १३ ॥māmeva mātaraniśaṃ kalayantu mānye || 13 ||మామేవ మాతరనిశం కలయన్తు మాన్యే ॥ 13 ॥

Shloka 14

यत्कटाक्षसमुपासनाविधिःyatkaṭākṣasamupāsanāvidhiḥయత్కటాక్షసముపాసనావిధిః

सेवकस्य सकलार्थसम्पदः ।sevakasya sakalārthasampadaḥ |సేవకస్య సకలార్థసమ్పదః ।

संतनोति वचनाङ्गमानसै-saṃtanoti vacanāṅgamānasai-సంతనోతి వచనాఙ్గమానసై-

स्त्वां मुरारिहृदयेश्वरीं भजे ॥ १४ ॥stvāṃ murārihṛdayeśvarīṃ bhaje || 14 ||స్త్వాం మురారిహృదయేశ్వరీం భజే ॥ 14 ॥

Shloka 15

सरसिजनिलये सरोजहस्तेsarasijanilaye sarojahasteసరసిజనిలయే సరోజహస్తే

धवलतमांशुकगन्धमाल्यशोभे ।dhavalatamāṃśukagandhamālyaśobhe |ధవలతమాంశుకగన్ధమాల్యశోభే ।

भगवति हरिवल्लभे मनोज्ञेbhagavati harivallabhe manojñeభగవతి హరివల్లభే మనోజ్ఞే

त्रिभुवनभूतिकरि प्रसीद मह्यम् ॥ १५ ॥tribhuvanabhūtikari prasīda mahyam || 15 ||త్రిభువనభూతికరి ప్రసీద మహ్యమ్ ॥ 15 ॥

Shloka 16

दिग्हस्तिभिः कनककुम्भमुखावसृष्टdighastibhiḥ kanakakumbhamukhāvasṛṣṭaదిగ్హస్తిభిః కనకకుమ్భముఖావసృష్ట

स्वर्वाहिनीविमलचारुजलाप्लुताङ्गीम् ।svarvāhinīvimalacārujalāplutāṅgīm |స్వర్వాహినీవిమలచారుజలాప్లుతాఙ్గీమ్ ।

प्रातर्नमामि जगता जननीमशेषprātarnamāmi jagatā jananīmaśeṣaప్రాతర్నమామి జగతా జననీమశేష

लोकाधिनाथगृहिणीममृताब्धिपुत्रीम् ॥ १६ ॥lokādhināthagṛhiṇīmamṛtābdhiputrīm || 16 ||లోకాధినాథగృహిణీమమృతాబ్ధిపుత్రీమ్ ॥ 16 ॥

Shloka 17

कमले कमलाक्षवल्लभे त्वंkamale kamalākṣavallabhe tvaṃకమలే కమలాక్షవల్లభే త్వం

करुणापूरतरङ्गितैरपाङ्गैः ।karuṇāpūrataraṅgitairapāṅgaiḥ |కరుణాపూరతరఙ్గితైరపాఙ్గైః ।

अवलोकय मामकिञ्चनानांavalokaya māmakiñcanānāṃఅవలోకయ మామకిఞ్చనానాం

प्रथमं पात्रमकृत्रिमं दयायाः ॥ १७ ॥prathamaṃ pātramakṛtrimaṃ dayāyāḥ || 17 ||ప్రథమం పాత్రమకృత్రిమం దయాయాః ॥ 17 ॥

Shloka 18

स्तुवन्ति ये स्तुतिभिरमीभिरन्वहंstuvanti ye stutibhiramībhiranvahaṃస్తువన్తి యే స్తుతిభిరమీభిరన్వహం

त्रयीमयीं त्रिभुवनमातरं रमाम् ।trayīmayīṃ tribhuvanamātaraṃ ramām |త్రయీమయీం త్రిభువనమాతరం రమామ్ ।

गुणाधिका गुरुतरभाग्यभाजिनोguṇādhikā gurutarabhāgyabhājinoగుణాధికా గురుతరభాగ్యభాజినో

भवन्ति ते भुवि बुधभाविताशयाः ॥ १८ ॥bhavanti te bhuvi budhabhāvitāśayāḥ || 18 ||భవన్తి తే భువి బుధభావితాశయాః ॥ 18 ॥

19

इति श्रीमत्परमहंसपरिव्राजकाचार्यस्य श्रीगोविंदभगवत्पूज्यपादशिष्यस्य श्रीमच्छङ्करभगवतः कृतौ कनकधारास्तोत्रं सम्पूर्णम् ॥iti śrīmatparamahaṃsaparivrājakācāryasya śrīgoviṃdabhagavatpūjyapādaśiṣyasya śrīmacchaṅkarabhagavataḥ kṛtau kanakadhārāstotraṃ sampūrṇam ||ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛఙ్కరభగవతః కృతౌ కనకధారాస్తోత్రం సమ్పూర్ణమ్ ॥