হনুমান চালিসা श्री हनुमान चालीसा

দোহা

श्रीगुरु चरन सरोज रज, निज मनु मुकुरु सुधारि ।śrīguru caran saroj raj, nij manu mukuru sudhāri |

बरनउँ रघुबर बिमल जसु, जो दायकु फल चारि ॥baranaum̐ raghubar bimal jasu, jo dāyaku phal cāri ||

দোহা

बुद्धिहीन तनु जानिके, सुमिरौं पवन-कुमार ।buddhihīn tanu jānike, sumirauṃ pavan-kumār |

बल बुधि बिद्या देहु मोहिं, हरहु कलेस बिकार ॥bal budhi bidyā dehu mohiṃ, harahu kales bikār ||

চৌপাই 1

जय हनुमान ज्ञान गुन सागर ।jay hanumān jñān gun sāgar |

जय कपीस तिहुँ लोक उजागर ॥jay kapīs tihum̐ lok ujāgar ||

চৌপাই 2

राम दूत अतुलित बल धामा ।rām dūt atulit bal dhāmā |

अंजनि-पुत्र पवनसुत नामा ॥aṃjani-putra pavanasut nāmā ||

চৌপাই 3

महाबीर बिक्रम बजरंगी ।mahābīr bikram bajaraṃgī |

कुमति निवार सुमति के संगी ॥kumati nivār sumati ke saṃgī ||

চৌপাই 4

कंचन बरन बिराज सुबेसा ।kaṃcan baran birāj subesā |

कानन कुंडल कुंचित केसा ॥kānan kuṃḍal kuṃcit kesā ||

চৌপাই 5

हाथ बज्र औ ध्वजा बिराजै ।hāth bajra au dhvajā birājai |

काँधे मूँज जनेऊ साजै ॥kām̐dhe mūm̐j janeū sājai ||

চৌপাই 6

संकर सुवन केसरीनंदन ।saṃkar suvan kesarīnaṃdan |

तेज प्रताप महा जग बन्दन ॥tej pratāp mahā jag bandan ||

চৌপাই 7

बिद्यावान गुनी अति चातुर ।bidyāvān gunī ati cātur |

राम काज करिबे को आतुर ॥rām kāj karibe ko ātur ||

চৌপাই 8

प्रभु चरित्र सुनिबे को रसिया ।prabhu caritra sunibe ko rasiyā |

राम लखन सीता मन बसिया ॥rām lakhan sītā man basiyā ||

চৌপাই 9

सूक्ष्म रूप धरि सियहिं दिखावा ।sūkṣma rūp dhari siyahiṃ dikhāvā |

बिकट रूप धरि लंक जरावा ॥bikaṭ rūp dhari laṃk jarāvā ||

চৌপাই 10

भीम रूप धरि असुर सँहारे ।bhīm rūp dhari asur sam̐hāre |

रामचंद्र के काज सँवारे ॥rāmacaṃdra ke kāj sam̐vāre ||

চৌপাই 11

लाय सजीवन लखन जियाये ।lāy sajīvan lakhan jiyāye |

श्रीरघुबीर हरषि उर लाये ॥śrīraghubīr haraṣi ur lāye ||

চৌপাই 12

रघुपति कीन्ही बहुत बड़ाई ।raghupati kīnhī bahut baṛāī |

तुम मम प्रिय भरतहि सम भाई ॥tum mam priya bharatahi sam bhāī ||

চৌপাই 13

सहस बदन तुम्हरो जस गावैं ।sahas badan tumharo jas gāvaiṃ |

अस कहि श्रीपति कंठ लगावैं ॥as kahi śrīpati kaṃṭh lagāvaiṃ ||

চৌপাই 14

सनकादिक ब्रह्मादि मुनीसा ।sanakādik brahmādi munīsā |

नारद सारद सहित अहीसा ॥nārad sārad sahit ahīsā ||

চৌপাই 15

जम कुबेर दिगपाल जहाँ ते ।jam kuber digapāl jahām̐ te |

कबि कोबिद कहि सके कहाँ ते ॥kabi kobid kahi sake kahām̐ te ||

চৌপাই 16

तुम उपकार सुग्रीवहिं कीन्हा ।tum upakār sugrīvahiṃ kīnhā |

राम मिलाय राज पद दीन्हा ॥rām milāy rāj pad dīnhā ||

চৌপাই 17

तुम्हरो मंत्र बिभीषन माना ।tumharo maṃtra bibhīṣan mānā |

लंकेस्वर भए सब जग जाना ॥laṃkesvar bhae sab jag jānā ||

চৌপাই 18

जुग सहस्र जोजन पर भानू ।jug sahasra jojan par bhānū |

लील्यो ताहि मधुर फल जानू ॥līlyo tāhi madhur phal jānū ||

চৌপাই 19

प्रभु मुद्रिका मेलि मुख माहीं ।prabhu mudrikā meli mukh māhīṃ |

जलधि लाँघि गये अचरज नाहीं ॥jaladhi lām̐ghi gaye acaraj nāhīṃ ||

চৌপাই 20

दुर्गम काज जगत के जेते ।durgam kāj jagat ke jete |

सुगम अनुग्रह तुम्हरे तेते ॥sugam anugrah tumhare tete ||

চৌপাই 21

राम दुआरे तुम रखवारे ।rām duāre tum rakhavāre |

होत न आज्ञा बिनु पैसारे ॥hot na ājñā binu paisāre ||

চৌপাই 22

सब सुख लहै तुम्हारी सरना ।sab sukh lahai tumhārī saranā |

तुम रच्छक काहू को डर ना ॥tum racchak kāhū ko ḍar nā ||

চৌপাই 23

आपन तेज सम्हारो आपै ।āpan tej samhāro āpai |

तीनों लोक हाँक तें काँपै ॥tīnoṃ lok hām̐k teṃ kām̐pai ||

চৌপাই 24

भूत पिसाच निकट नहिं आवै ।bhūt pisāc nikaṭ nahiṃ āvai |

महाबीर जब नाम सुनावै ॥mahābīr jab nām sunāvai ||

চৌপাই 25

नासै रोग हरै सब पीरा ।nāsai rog harai sab pīrā |

जपत निरंतर हनुमत बीरा ॥japat niraṃtar hanumat bīrā ||

চৌপাই 26

संकट तें हनुमान छुड़ावै ।saṃkaṭ teṃ hanumān chuṛāvai |

मन क्रम बचन ध्यान जो लावै ॥man kram bacan dhyān jo lāvai ||

চৌপাই 27

सब पर राम तपस्वी राजा ।sab par rām tapasvī rājā |

तिन के काज सकल तुम साजा ॥tin ke kāj sakal tum sājā ||

চৌপাই 28

और मनोरथ जो कोई लावै ।aur manorath jo koī lāvai |

सोइ अमित जीवन फल पावै ॥soi amit jīvan phal pāvai ||

চৌপাই 29

चारों जुग परताप तुम्हारा ।cāroṃ jug paratāp tumhārā |

है परसिद्ध जगत उजियारा ॥hai parasiddha jagat ujiyārā ||

চৌপাই 30

साधु संत के तुम रखवारे ।sādhu saṃt ke tum rakhavāre |

असुर निकंदन राम दुलारे ॥asur nikaṃdan rām dulāre ||

চৌপাই 31

अष्ट सिद्धि नौ निधि के दाता ।aṣṭa siddhi nau nidhi ke dātā |

अस बर दीन जानकी माता ॥as bar dīn jānakī mātā ||

চৌপাই 32

राम रसायन तुम्हरे पासा ।rām rasāyan tumhare pāsā |

सदा रहो रघुपति के दासा ॥sadā raho raghupati ke dāsā ||

চৌপাই 33

तुम्हरे भजन राम को पावै ।tumhare bhajan rām ko pāvai |

जनम जनम के दुख बिसरावै ॥janam janam ke dukh bisarāvai ||

চৌপাই 34

अंत काल रघुबर पुर जाई ।aṃt kāl raghubar pur jāī |

जहाँ जन्म हरि-भक्त कहाई ॥jahām̐ janma hari-bhakta kahāī ||

চৌপাই 35

और देवता चित्त न धरई ।aur devatā citta na dharaī |

हनुमत सेइ सर्ब सुख करई ॥hanumat sei sarba sukh karaī ||

চৌপাই 36

संकट कटै मिटै सब पीरा ।saṃkaṭ kaṭai miṭai sab pīrā |

जो सुमिरै हनुमत बलबीरा ॥jo sumirai hanumat balabīrā ||

চৌপাই 37

जै जै जै हनुमान गोसाईं ।jai jai jai hanumān gosāīṃ |

कृपा करहु गुरुदेव की नाईं ॥kṛpā karahu gurudev kī nāīṃ ||

চৌপাই 38

जो सत बार पाठ कर कोई ।jo sat bār pāṭh kar koī |

छूटहि बंदि महा सुख होई ॥chūṭahi baṃdi mahā sukh hoī ||

চৌপাই 39

जो यह पढ़ै हनुमान चालीसा ।jo yah paṛhai hanumān cālīsā |

होय सिद्धि साखी गौरीसा ॥hoy siddhi sākhī gaurīsā ||

চৌপাই 40

तुलसीदास सदा हरि चेरा ।tulasīdās sadā hari cerā |

कीजै नाथ हृदय महँ डेरा ॥kījai nāth hṛday maham̐ ḍerā ||

দোহা

पवनतनय संकट हरन, मंगल मूरति रूप ।pavanatanay saṃkaṭ haran, maṃgal mūrati rūp |

राम लखन सीता सहित, हृदय बसहु सुर भूप ॥rām lakhan sītā sahit, hṛday basahu sur bhūp ||